YallaFootball | عندما يجتمع النجوم فى ملعب واحد


أهلا وسهلا بك زائرنا الكريم في منتديات يللا فوتبول ، سجلاتنا تفيد بأنك غير مسجل لدينا , اذا كنت عضوا بالفعل فيرجي تسجيل الدخول اما اذا لم تكن عضوا فيشرفنا ان تقوم بالتسجيل والتمتع بكافة خدماتنا ..


 
الرئيسيةبحـثالأعضاءالمجموعاتس .و .جبث القنوات الرياضيةدخولالتسجيل

شاطر | 
 

 الالترس الزمالك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
zokas
عضو جديد
عضو جديد


تاريخ التسجيل : 02/08/2008
المشاركات : 6
نقاط التميز : 9
السمعة : 0

مُساهمةموضوع: الالترس الزمالك   الجمعة أبريل 03, 2009 3:42 pm

هنوضح هنا بعض حاجات غالبا ما يستفسر عنهم الجمهور غلى صيغة أسئلة , يلا بسم الله ,
_ يعنى إيه الترا وايه أهميتها ؟؟؟
_
إحنا مجموعة أشخاص من مختلف مناطق الجمهورية إتجمعنا على حب النادى بتاعنا
و الموضوع إتطور معانا لدرجة إنه بقى هو وطنا وكل همنا فى الحياة إنه يعلى
ويتعملو ألف حساب .

_ إيه الأغانى الصعبة اللى إنتو بتغنوها دى يا عم ماتمشوها أرديحى و الزمالك أحسن ناس ؟
_
بفرض إن الأغانى صعبة , هنلاقى فيها ميزة عمرها ماكانت موجودة فى الملاعب
المصرية وهى التكرار بدون ملل , الأغانى دى تحمسك اولا ف اتروح انت محمس
اللى جنبك فالجمهور كله ينحمس فتلاقى الفرقة كلها اتحمست و إبتدى اللعب
يحلو , و حقيقة الأغانى دى مش صعبة و هو كل الموضوع إن نغمتها بس مش
مألوفة أوى فى الملاعب هنا لكن بمجرد إن انت تركز فى اللى بيتقال, تتقال
مرتين و تكون حافظها صم .

_ طب إنتوا ليه ماتعدوش تانية حتى هناك تعرفوا تشوفوا المتش أحسن و تتحمسوا أكتر ؟
_
بداية إحنا مؤمنين جدا بالتخصص كل إنسان و ليه دور لازم يأدية و يلتزم بيه
, اول حاجة لازم تسأل نفسك سؤال أنا موجود فى الإستاد بعمل إيه ؟ جاى
أتفرج على الماتش ؟ اكيد لأ التلفزيون صورته أحلى 100 مرة وفى تحليل قيلية
و فى تحليل بعديه و مظبطنا , يبقى أنت اكيد رايح عشان تساند فريقك , يا
ترى قعادك فى الإستاد و انت ساكت هيفيد فريقك ؟؟ أبدا!!
اصلها مش خناقة
اللعيبة تنزل تلاقى ناس كتير قاعدة فايطمنوا , اللعيبة دى لازم تتحمس , و
بم إن الكلام اللى فات لسة ثقافتة مش منتشرة فى مصر , فهنلاقى إن التالته
بتتميز ان الرؤية فيها صعبة , فأغلب الناس بتقول ادام انا مش شايف حاجة
يبقى أشجع , و هو دة المطلوب تشجيع وبس عشان الإستاد مكان للتشجيع فقط لا
غير .

_ طب أنا إزاى أنضملكوا ؟؟
_ أقسم بالله أسهل حاجة فى الدنيا , تعالى و اقعد معانا حاول تتكلم معانا حسسنا ان انت أخونا , بس كدة , خلاص انت بقيت واحد منا .

_ بس إنتوا مبتظهروش غير فى الدخلات و مش دى المعضلة يعنى ؟
_
مين قالك فى متشات كتير كان لينا دور فى نجاح الفريق فيها , فاكرين الحداد
اللى كنا عاملينه , طب فاكرين ماتش اسمنت السويس لما سخنا الشوط التانى
والفرقة بعد ما كانت متأخرة بهدف جابت 4 إجوان ,, ده غير إن الدخلات اللى
إحنا بنعملها مش بنعملها عشان تخلى منظرنا حلو وبس لأ دى فيها رسالة و
رسالة مهمة كمان , وعلى فكرة الدخلات دى فى ناس مابتروحش إمتحانتها عشان
تخلصها , ده هو زمالك واحد يا جماعة مين هايحبه قدنا ؟ .

_ بس إنتوا بتبقوا قليلين اوى فى المتشات العادية اللى بنلاعب فيها فرق تعبانة , دة من إيه ؟
_
بداية كل المتشات مهمة , و إحنا كلنا بنبقى حريصين على ال 5 جنية حق
التذكرة عشان دى راجعة للنادى بتاعنا و هيطور بيها نفسه , ثانيا إحنا
كأعضاء الوايت نايتس بنبقى كلنا متواجدين بس الجمهور هو اللى بيبقى قليل ,
و فى أحيان كتيير الفرقة بتنام بسبب الموضوع دة .

_ يعم ده انتوا بتوع مشاكل و خناقات و بتاع , لا يعم انا أوت , مش كدة ولا إية ؟
_
مش كدة طبعا , من أهم ميزات الألترا انا أعضائها بيتحلو بأخلاق الفرسان ,
ما يهاجموش إلا لما حد يجى عليهم , و لما يمسكوا واحد من الأعداء لوحدة
بيسبوة , و اى إنسان مهما كان هيدافع عن نفسه فى حالة الهجوم عليه , ود
بالظبط اللى إحنا بنعمله , دفاع عن النفس .

_ طب أنا مش هاقدر أنضملكوا بسبب ظروف ايا كانت , يا ترى ممكن أساعدكم إزاى ؟
_
بداية طبعا الدعم المادى ده مهم جدا لو كنت قادر ماديا , غير كدة انت ممكن
تكون فى حد نفسك مجموعة ألترا لوحدك , روح الإستاد إتشقلب معانا , غمض
ع*** و انت بتشجع , ولع شمروخ , غنى بأعلى صوتك , ساعدنا فى تنظيم الدخلة
, زق اللى قدامك لو سكت عن التشجيع , ارفع صنارة , هات كوفية معاك وانت
جاى الإستاد , شاغب مع الأمن لو حسيت إن الدخلة فى خطر و هكذ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الالترس الزمالك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
YallaFootball | عندما يجتمع النجوم فى ملعب واحد :: ¬°•| قسم مناقشات كووورة |•°¬ :: كووورة مصرية :: نادي الزمالك-
انتقل الى: